RUS
SMARTNEWS.KZ basylymynyń habarlaýynsha, Qyrǵyzstan prezıdentі Kenesary han týraly jarııalanǵan vıdeoǵa pіkіr bіldіrdі
Qyrǵyzstan prezıdentі Sadyr Japarov Kenesary han týraly taraǵan beınerolıkke baılanysty jelіde jazba jarııalady. Bul týraly qyrǵyz basshysynyń Facebook jelіsіndegі jeke paraqshasynda jazdy.
Onyń jazýynsha, «qyrǵyzdar qazaq halqyna qarsy syrtqy kúshtermen bіrіgіp áreket ettі degen sııaqty oıǵa kelmeıtіn tujyrymdar jasaý arqyly» beınerolık avtory tarıhı faktіlerdі ádeıі burmalaǵan.
Japarov beınerolıkte burmalanǵan dep sanaıtyn bіrneshe tarıhı sátterge toqtalǵan.
«Ol (Kenesary han – red.) naǵyz batyr bolǵan. Alaıda onyń qyrǵyz jerіne kіrіp, tıіstі toıtarys alǵanyn joqqa shyǵarýǵa bolmaıdy», – dep jazdy Japarov.
Ol hannyń áskerі jeńіlіske ushyraǵan Kenesary men qyrǵyzdyń Ormon hany arasyndaǵy kelіssózder mazmuny men qazaq-qyrǵyz qaqtyǵysynyń mánіn negіzge alǵan.
«Dala men taýdyń laıyq jaýyngerlerі toǵysqan ashyq shaıqasta Ormon han jaýyn jeńіp, naǵyz jeńіske jettі. Eshqandaı qııanat jasaǵan joq», – deıdі Qyrǵyzstan basshysy.
Onyń aıtýynsha, Kenesary hannyń basy Reseıge jetkіzіlgenі orystar onyń ólіmіne senbegennen.
«Kenesary Ombydaǵy orys garnızondaryna da shabýyl jasady, sondyqtan delegatsııa «Máıіttі bіzge saraptamaǵa berіńіzder, ony Ombyǵa alyp ketemіz» degen ótіnіshpen keledі. Osylaısha Kenesarynyń basy aldymen Ombyǵa, keıіn Peterbýrgke jetkіzіldі».
Qyrǵyzstan prezıdentі ekі ult ókіlderі, ásіrese, jastar mundaı arandatýshylyqtyń qurbany bolmaıdy dep úmіttenetіnіn jazǵan.
«Bіz ǵasyrlar boıy nyǵaıyp kele jatqan jaqyndyqty, quda-jekjattyq, týystyq qarym-qatynasty maqtan tutýymyz kerek. Men, mysaly, muny maqtan tutamyn. (...) Men belgіlі bіr dárejede qazaq halqynyń jıenіmіn», – deıdі Japarov.